IKASLE BATZORDEAREN AURKEZPENA
Azaroaren hasieran San Nikolaseko Elkartoki-ko ikasle batzordea elkartu zen lehen aldiz. Batzordea adin ezberdinetako 18 bozeramailez osatuta dago, LH.ko 1.mailatik 6. maila artekoak, eta ikasgela bakoitzak berea dauka.

Lehen saioan Elkartoki proiektua patxadaz azaldu genien bozeramaileei; bere helburuak, ekintzak, funtzionamendua eta partehartzaileak. Umeek proiektuari buruzko zalantzak galdetu ahal izan zituzten. Bestetik, bozeramaile moduan zelako papera izango zuten kezkatzen zituenez, Super-Bozeramailearen jolasa egin genuen, haien botere, zereginak, etab, aitzaki hartuta.

Bozeramaile bakoitzak Elkartokiren koaderno eta kortxo bat jaso zituen, bere gelakideen ideiak eta iritziak jasotzeko.